मद्दत प्राप्त गर्नुहोस्

तपाईं वा तपाईंले चिन्नुभएको कोही व्यक्तिलाई मद्दत आवश्यक भएमा, 617-338-2355 मा हाम्रो हटलाइन लाई कल गर्नुहोस्। हटलाइन दिनको 24 सै घण्टा र हप्ताको 7 तै दिन उपलब्ध छ। सेवाहरू निःशुल्क, गोपनीय छन् र दस्तावेज गरिएका र नगरिएका व्यक्तिहरूलाई उपलब्ध छन्।

हटलाइनको कर्मचारी सदस्य तपाईंको भाषा बोल्नुहुँदैन भने, कृपया तपाईंको प्राथमिकताको भाषा उल्लेख गर्नुहोस् र दोभाषे उपलब्ध हुने छ जसकारण हामी तपाईंसँग सञ्चार गर्न र उपयुक्त सेवा वा सिफारिसहरू उपलब्ध गराउन सक्छौँ।

तपाईं गैर-आत्यावश्यक प्रश्नहरूका लागि info@atask.org मा इमेल गर्न पनि सक्नुहुन्छ।

तपाईंले अपेक्षा गर्न सक्ने कुराहरू:

हाम्रो 24-सै घण्टे हटलाइनलाई कल गर्नु भनेको तपाईं र तपाईंले चिन्नुभएको कोही व्यक्तिलाई अपमानजनक स्थितिबाट बचाउन मद्दत गर्ने पहिलो चरण हो। सबै कलहरू गोपनीय हुन्छन्। कल गर्ने व्यक्तिहरूले संकट हस्तक्षेप, सुरक्षा योजना, भावनात्मक सहायता, स्रोतहरू, जानकारी र सिफारिसहरू प्राप्त गर्ने छन्।

हटलाइन कर्मचारी सदस्यले तपाईंको अवस्थालाई बुझ्न केही प्रश्नहरू सोध्नु हुने छ। उदाहरणका लागि, उनीहरूले ”म तपाईंलाई कसरी मद्दत गर्न सक्छु?” वा ”के कुराले गर्दा तपाईंले आज हटलाइनलाई कल गर्ने निर्णय गर्नुभयो?” भनी सोध्न सक्नुहुन्छ उनीहरूले तपाईंको प्राथमिकताको भाषा, पहिलो नाम, उमेर, स्थान वा आप्रवासन स्थितिबारे सोध्न सक्छन् ताकी उनीहरूले तपाईंलाई अझ राम्रोसँग सहायता गर्न सकून्। तपाईंले आफूलाई साझा गर्न सहज नलाग्ने कुनै पनि जानकारी उपलब्ध गराउन आवश्यक पर्दैन।

तपाईंले ATASK बाट सेवाहरू प्राप्त गर्न चाहनुहुन्छ भनी निर्णय गरेमा, तपाईंलाई अधिवक्ताकहाँ जान सिफारिस गरिने च। अधिवक्ता तुरुन्तै उपलब्ध नभएमा, हामीले तपाईंलाई फेरि कल गर्नका लागि सुरक्षित समय र फोन नम्बर सोध्ने छौँ। दुई व्यावसायिक दिनभित्र फलो-अप कलहरूको अपेक्षा गरिएको हुन सक्छ।

अधिवक्ता र स्वयंसेवीहरू बङ्गला,अरबी क्यान्टोनिज, चिउ चाउ/तिओचिउ, फिलिपीनी, गुजराती, हिन्दी, इन्डोनेसियाली, खमेर (कम्बोडियन), कोरियाली, लाओ, मन्डारिन, मनिपुरी, नेपाली, उडिया, पञ्जाबी, थाइ, ताइशानिज, ताइवानिज, उर्दु, भियतनामी (अक्टोबर 2022 अनुसार) सहित 20 वटा एसियाली भाषा र उपभाषा बोल्छन्। अन्य भाषाहरूका लागि, हामीले पेशेवर दोभाषेहरूसँग काम गर्छौँ जसकारण हामी तपाईंसँग सञ्चार गर्न सक्छौँ।